主页 > M生活派 >台系薄机用唔用得过?Acer Swift 7试后报告 >

台系薄机用唔用得过?Acer Swift 7试后报告

2020-06-24 12:22

台系薄机用唔用得过?Acer Swift 7试后报告

自从薄唔再係Macbook专利后,好多厂商都尝试整部机超越Macbook。今次试依部就係Acer Swift 7卖点係薄,有几薄?好唔好用?想知就要留意试后报告。

薄唔薄得过Macbook先?
Swift 7卖点都係金属+薄身,设计刻意形营造平滑线条感,风格有啲似Macbook。机身最厚部分仅9.98mm,比12吋嘅Macbook同之前介绍Zenbook 3更薄,但屏幕就维持喺13.3吋。佢同好多新机一样转晒用USB-C介面,抵讚嘅係佢有两组接口,既可边叉边驳其他装置,又唔洗用Hubs,咁先叫正常架嘛!

台系薄机用唔用得过?Acer Swift 7试后报告

台系薄机用唔用得过?Acer Swift 7试后报告

台系薄机用唔用得过?Acer Swift 7试后报告

点解Core i5个型号咁特别?
Swift 7已经用紧最新第7代Core i5,不过型号係7Y54而非见惯嘅7200U,原因在于Intel新命名策略,第7代Core m只保留m3,原本嘅m5、m7就升级做Core i5、i7,想分清就要留意尾嗰组数字。性能方面Core i5-7Y54依然贴近Core m水平,PCMark 8 Home大约录得2,900分,佢仲有个特徵,就係唔使风扇帮助散热。

第七代Core型号参考

台系薄机用唔用得过?Acer Swift 7试后报告

键盘好唔好打?
虽然Swift 7属于13.3吋机种,但佢个键盘啲掣相对较细,打字感觉硬净,距短弹力一般,简单嚟讲打字时需要用力少少,而未有LED背光亦係缺点。除此之外,我想特别提讲吓佢个特阔TouchPad,面积成部iPhone 7咁大,加上按键弹力充足,用落特别得心应手。

台系薄机用唔用得过?Acer Swift 7试后报告

粒电用到几耐?
用Core i5(Core m)搭机身重量1.125kg,其实规格同我部Asus UX305CA好接近。试过用嚟打稿、上网,发现50%电量够用3个钟左右,续航力同UX305CA差唔多,极限大约7个钟,表现唔算特别强,同埋比较失望係USB-C唔对应手机火牛或尿袋叉电。

台系薄机用唔用得过?Acer Swift 7试后报告

台系薄机用唔用得过?Acer Swift 7试后报告◆ 用软件测试负载可用约5.5个钟。

蛇叔:够薄唔够轻 最正係个TouchPad
Swift 7设计纤薄又配上新规格,但相比其它厂商惊喜始终唔太够,主要原因係薄得嚟唔够轻,如果重量降番贴近1kg,成件事就精彩得多,再者Swift 7定价$9,998,以配备Core i5(慢版)嚟睇似乎贵咗少少。

台系薄机用唔用得过?Acer Swift 7试后报告

蛇叔
现职香港高登记者,负责试用手机、电脑类及其他数码产品。逢星期五晚仲会主持「蛇叔直播室」节目同大家分享产品意见。

查询: Acer (电话: 2821 0200)

定价: $9,998

当前阅读:台系薄机用唔用得过?Acer Swift 7试后报告

上一篇:

下一篇:

热点资讯

时尚图库

猜你喜欢

历史资讯: